Le texte de cette page a été corrigé et est conforme au fac-similé.
— A mangé qui té divaite kioé li aussi ; jou li mouri, mo té allé aceté zouti, la grand magasin, divant lavancé la, mo tendé pitit blangue la ca dit, li mouri di oune fausse indigestion.
— Mouché Bouillo la té drôle meinme ; il allé Pouague tabli oune bitachon ; anvant li coupé batis, li dépensé, toute so soumaqué, pou fait oune belle chimin dégrad. Lò chimin dégrad la fini, li obligé bandonnein.
— A pas li, oune so, qui fait ça zaffai la, Cayenne. Mo wai, la placè, employé fait tablissement, qué case dimi-chapente, anvant yé prospété, quand yé fait trou prospétion, a sabe, oune so ; yé baqué pou Cayenne.
— Li dix hò, compè ; mo c’allé la case. Jouq oune òte jou.
Li dit Timothée qué so femme bonsoai, et pis li soti.