Le texte de cette page a été corrigé et est conforme au fac-similé.
368
notes.
plain de basme qui rendoit si grant odor que nule mieudre ne puet estre. Et par desoz ces deus en avoit deus autres, et cil estoient fet por gesir sus…
Or Lanceloz s’est couchiez par le comandement
à la damoisele, et semble bien que il ait garde, au semblant que il fait ; quar il n’oste ne braies ne chemise, ançois gist come huem qui a besoing. Quand la damoisele ot fet couchier touz les valez ès loges dont entour le paveilon avoit assez, si revient arère là où Lanceloz gisoit. Et l’en voit léans mult cler, car devant le lit avoit deus grans cirges qui ardoient. La damoisele prent les cirges, si les oste de soz un coffre où il estoient, si les esloigne et met en bas, si que la clarté ne parviengne à la couche où Lanceloz gist. Cil esgarde quanqu’ele fait, come cil qui entent plus à penser que à dormir. Si voit qu’ele a tote sa robe ostée fors sa chamise, puis vient à Lancelot, si lieve les dras de son lit et se lance lez lui, et giete les bras por lui acolier, et le vost beisier ; mes il n’a cure, si se defent moult durement, si qu’il li vole hors des bras et se lance hors dou lit, et ele est après lui saillie. Et quant il la vit hors del lit, si a trop grant honte et li dit : « Avoi ! damoisele, m’aist Deus ! bien avez honte perdue. Car onques mes n’oï parler de dame ne de demoisele qui vousist chevalier prendre à force. — Ha ! fit-ele, mauvez recréant ! dahés avez-vos ! car onques chevaliers ne fustes, et honie soit l’eure que vos vosvantastes de monseignor Gauvain rescoure, quant vostre lit avez guerpi por une damoisele sole ! si ne sui pas moins bele de voz ne meins valanz ; car au meins ne sui-je pas desloiaus com vos estes. — Damoisele, fet-il, vous dirois ce que vos plaira ; mes il ne se leva hui si buens chevaliers, se il m’apeloit de desloiauté, vers qui je ne me
