Le texte de cette page a été corrigé et est conforme au fac-similé.
370
notes.
l’entrée d’un enclos religieux, aborder « un des
frères, qui labourait. »
P. 244. Le texte du ms. 752 raconte encore avec d’autres développements le songe et le départ de Lancelot :
Si li a mis poisons en son boivre qui estoient confites à conjuremenz et à charraiz ; si li troblerent la cervele, tant que, la nuit, li fu avis en son dormant que il veilloit et que il trovoit sa dame la roine gisant avec un chevalier si de près que il le li faisoit ; et il corroit à s’espée, si le voloit ocire, quant la roine sailloit sus et disoit : « Lanceloz, que volez vos à cest chevalier ? Ne soiez-vos jà si hardis que vos i metois la main ; car je sui soe ; ne jamais, si chier com vos avez vostre cors, n’entrez en leu où je soie, car je le vous deffent mult bien. » Ensi le fit Morgue songier, et por ce qu’il tensist sa vision au matin plus veraie, le fist porter hors de la chambre à mienuit, et metre en une litière, autresi com ele avoit fait ou Val sans retor, tout endormi, en une des plus belles landes del monde, bien trois lieues loing d’ilecques ; et ele meismes i ala, s’el fist à ses gens gueitier de près. Au matin fu avis Lanceloz qu’il estoit en un des plus biaus paveillons del monde, et véist devant lui une autretel couche com estoit cele où il avoit véu gesir la roine et le chevalier, et que encore tenoit l’espée dont il le voloit ocirre. Ne sous ciel n’a home qui croire li féist que il n’eust veu à ses iaus ce que il avoit songié. — Quant il vit les gens Morgain, si fu mult honteus, et ele meismes vint avant à guise de fame mult irée, si li dist : « Coment Lanceloz, i estes-vous si desloiaus que vous en i estes fuis sans mon congié ? » Et quant il entent, si cuide bien qu’ele l’ait ateint de
