Louis XI,
à Paris,
Septembre
i/±6i.
22 Mai 1461.
70 Ordonnances des Rois de France
doivent, et luy Ont promis payer .pour eulx et les leurs perpétuellement, à cause desdits formariage et mainmorte, pour chacun feu cinq sols tournois par ân, lesquelles mainmission et affranchissement ont esté consenties agréées et ratifiées par lesdits religieux, abbé et convent de Saint-Benigne, comme par leurs lettres de mainmission et consentement peut apparoir, desquelles la teneur suit :
A tous ceulx qui ces présentes lettres verront et orront, Jehan Deschamps, escuyer, garde du seel de la prevosté d’Andelot, salut. Sçachent tous que pardevant Jehan Thommot et Jacquot Thomassin, tous deux tabellions jurez et establis à ce faire audit Andelot et de la chastellenie, de par le Roy notre sire, vindrent pour ce présents en leurs personnes, especialement pour cette chose faire, si comme ils disoient, religieuse et honneste personne frere Amyot Bonne, prieur du prieuré de Saint-Belin, membre de l’eglise et monastère de Sainct-Benigne de Dijon, de l’ordre Sainct-Benoist, d’une part ; et Robert Amyot, Guillaume Robert, Perrotte veufve de feu ColinLahere, Jean Martinot, Henry Jehandel, Jehan Amyot, Montin le mareschal, Jehan CoIIart, Jacques Martinot, Jacques Simonnet, Antoine Amyot, Jehannote veufve de feu Perrenot le Sarrier, Martin Sarrier, Regnault Grosseteste, Nicolas Alardin, Husson de Laval, Gillet la Hargc, Jehan Petit le Bar, Pasquier Amyot, Viart Dutoul, Martin Viart, Nicolas Viart, Guillaume Louillier, Jehan-Denis Lolier, Simon le Baille, Martin Mignot , Jehan Rignel , Jehannote veufve de feu Collesson le maçon, Vincent de LifFoul, Nicolas Cordier, Girart Lohier, Jehan Maçon, Jehan le Gras, le Josne, Perrenot Pethan, Jehan Barbier en son nom et luy faisant fort de Nicolas Cordier son pere, Catherine veufve de feu Henriel, Jehannel , Girard Jehandel, Geuffre Brehan , Huguevin Nancel, Guillemette veufve de feu Jacquot Girard , Jehan Michelet, Jehan de LifFoul , Huguevin Manyot, Jehan Guyot, Jehan Brehan, Nicolas Bonlieu , Parquote veufve de feu Colas Jaquemart, Jean Braconnier, Jehan Jacquemart, Jehannote veufve de feu Simon d’Ailley ; Mehault veufve de feu Varnesson, Huguenin Lolier, Perrinot, Pierre Parmentier, Martin le Bar, Jehan Meignen en son nom et luy faisant fort de Collete sa mere, Jacquot le Bar, Estienne le Bar, Noël Tixarcnt, Nicolas Lolier, Nicolas Monguiot , Monguiot le Bar, Jehan Toisserant, Nicolas Petit Toisserant, Viart, Jehan Dayne , Jehan la Perche, Jehan le Bar, Nicolas Charton, Nicolas Guillaume, Jehan de Bouleu, Jehan Lambert, Guillaume Perrenot, Ysabel veufve de feu Thomas Bonlieu, Viart Bonlieu, Guillaume Ferrant, Jehan Martin, Nicolas Maçon, ledit Nicolas Charreton soy faisant fort de Jehan Collesson, Jehan Gillet, ledit Jehan Amyot soy faisant fort de Jehan Martin , Deniot-Hugucnin Fremiot en son nom et luy faisant fort de Nicolas Fremiot son pere , Gillet Parmentier, Henry Amyot, Jehan Dadoul et Jehan Collesson le Gras, tous manans et habitans dudit Sainct-Bélin en ladite prevosté d’Andclot, tant en leurs propres noms que privés noms, faisans et representans tous les habitans , comme pour et au nom de toute la communauté dudit Sainct-Belin, d’autre part ; disans et confessans lesdites parties que combien que le lieu, finage et territoire dudit Sainct-Belin soit grant et spacieux, et en assez et competens fons de terre de labour, estant du comté de Champagne sur et près des fins et extrémités du royaume, neantmoins il est pouvrement habité selon la situation dudit lieu, tant en l’occasion de ce que iceluy lieu de Sainct-Belin en chief et en membres
