I 12
Ordonnances des Rois de France
Louis XI,
à Estrechy,
Septembre
i46i.
Charles VII,
à Verneuil,
Août i449>
(a) Confirmation des Lettres de pardon et d’abolition accordées par Charles VII aux Habitans de la ville de Verneuil, après les guerres avec les Anjrlois.
LOYS, par la grâce de Dieu, Roy de France ; savoir faisons à tous presens et advenir, nous avoir receue i’umble supplicacion de nos bienamez les bourgois, manans et habitans de la ville et visconté de Verneul, contenant que, au moys d’aoust Tan mil cccc quarante et neuf, feu notre très-cher seigneur et pere, que Dieu absoille, leur octroya ces lettres patentes, desquelles l’en dit la teneur estre telle : (Charles, par la grâce de Dieu, Roy de France ; savoir faisons à tous presens et advenir, nous avoir receue I’umble supplicacion des gens d’eglise, nobles, bourgois et habitans de la ville et viconté de Verneul, contenant que à l’occasion des guerres et divisions qui ont par long-temps esté en notre royaume, et aussi pour l’usurpacion que ont par cy-devant faicte de laditte ville, chaste !, fort et tour grise d’icelle, noz anciens ennemis et adversaires les Anglois, avecques lesquelx noz ennemis, durant loccupacion et detencion desdits ville et chaste !, fort et tour, a convenu ausdits suppiians, comme par contraincte pour la conservacion de leurs corps et biens, eulx tenir, demourer et converser avecques nosdits ennemis, leur faire obéissance et serement, et leur donner conseil, confort et aide, tant en fait de guerre que autrement, à l’encontre de nous, jusques à naguieres que, grâces à Nostre-Seigneur, lesdits ville, fort, chastel et tour, ont esté recouvrés, réduis et mis en notre obéissance ; et mesmement que Thomas Aubert, maire dudit Verneul, Guillot Bichere, Robin le Faucheur, Jehan Beaucousin, Perrin Cabueul, Robin Rogier, Jehan Larchier, prebtre, bourgois et habitans dudit Verneul à laditte reduccion , se retrahirent dedans laditte tour grise d’icelle ville, avecques certain nombre de nosdits ennemis, où ils ont esté avecques eulx par aucuns jours : et pour ce doubtent lesdits suppiians que à ceste cause, et que pendant le temps qu’ilz ont esté ainsi en obéissance de nosdits ennemis , ilz ont fait et peu faire et commectre, tant à l’encontre de nous, notre seigneurie et magesté royal, que autres noz vassaujx et subgetz, plusieurs cas, crimes, excès, déliez et maléfices, on leur voulsist ou temps advenir faire question et demande, et leur mectre et donner en leurs corps ou biens empeschement, ou autrement les molester, accuser, ou donner aucune charge, en nous humblement requerans que les choses dessusdictes veillons mectre en obly, et icelles abolir, et les recevoir en notre bonne grâce. Pourquoy nous, ayant compassion desdits suppiians, voulans noz vassaulx et subgetz recueillir et retraire à nous , et iceulx tracter en toute faveur et debonnereté, à ce qu’ils soient plus enclins en toute vraye subgection et obéissance envers nous, et à acquicter leurs loyaultés, ainsi qu’ilz doivent et sont tenuz de faire , ausdits gens d’eglise , nobles , bourgois , manans et habitans de laditte ville et viconté de Verneul, fort, chastel et tour grise d’icelluy, qui estoient audit lieu ou en la viconté au temps de la prinse desdits ville, fort, Note.
(a) Trésor des chartes, registre IXxxXVIII [198], pièce 4* chastel
