Louis XI,
à Thouars,
Janvier i 481.
Louis XI,
à Thouars,
Janvier 1481.
716 Ordonnances des Rois de France
à ce contraires. Et afin &c., sauf &c. Donné à Thouars, au mois de Janvier, l’an de grâce mil cccc quatre-vingi-ung, et de notre regne le vingt-ungniesme. Ainsi signé : Par le Roy Daulphin , l Evesque d’Alby, Jehan Guerin, maistre d’hostel, et autres presens. Amys. Visa. Contentor. Texier. r
(a) Confirmation des Privilèges des Eglises de Saint-Martin et Saint-Lo a Angers.
LOYS &c. Savoir faisons à tous presens et avenir, comme par le trespas de nostre oncle René de bonne mémoire, en son vivant Roi de Secille, Duc d’Anjou, icelui duchié d’Anjou soit venu ct escheu et retourné en noz mains, auquel et aux églises, villes et places d’icelluy, avons ordonné et pourveu de plusieurs choses convenables et nécessaires pour le bien et entretenement d iceulx, et avons esté advertiz que les églises de monsieur Saint Martin et Saint Lo lez Angiers, qui sont de fondation de noz predecesseurs, ont de très-beaulx droits, previlleiges et prérogatives, mesmement d’aller processionnellement, quand le cas advient, prouchainset joingnans du collège de la grant eglise d’Angiers, et plusieurs autres que nosdits predecessurs Roys de France et Ducs d’Anjou leur ont donnez et octroyez , esquelz ou aucuns d’iceulx ils sont puis aucun temps aucunement troublez par les religieulx, abbe et couvent de monsieur Saint Aubin d’Angiers ou autres, qui leur a esté et est chose fort préjudiciable, ainsi qu’ils nous ont fait remonstrer, et plus seroit se par nous ne leur estoit sur ce pourvu de nostre grâce, humblement requérant icelle. Pourquoy nous, ces choses considérées, et pour la grant amour et fervente devocion que nous avons de tout temps eu aux glorieux corps saints monsieur Saint Martin et monsieur Saint Lo, avons et aurons tant qu’il plaira à Dieu nostre créateur nous donner vie en ce monde, en honneur et reverence de très-beaulx et glorieulx reliques qui reposent esdites églises et mesmement en l’eglise monsieur Saint Lo, où est et repose grant portion de la vraye croix, à laquelle avons une très-singuliere confiance pour les biens et préservations que nostredit créateur , à l’intercession desdits glorieulx saints et d’icelle vraye croix, nous a souventeffoys faiz, et l’entretenement de nostre royaume, ainsy qu’il est vraysemblable, on a peu évidemment apparcevoir, pour ces causes et consideracions, et à ce que lesdits glorieulx saints soient toujours plus encleins intercéder pour nous, nostre prospérité et de nostre très-cher et très-amé le Dauphin de Viennois, et de l’accort, paix et union dc nostredit royaume envers Dieu nostre créateur, et que nous sommes, comme dit est, ou nos predecesseurs, fondateurs d’icelles églises, et, pour ce, protec teurs et gardiens des droiz, previlleges et libertez d’icelles, et autres causes à ce nous mouvans, avons, de nostre propre mouvement, grâce especial, plaine puissance et auctorité royal, en faveur aussi de nostre cher et amé aumosnier maistre Pierre Teurpin, chanoine de ladite eglise monsieur Saint Martin, lequel nous a par cy-devant servy de varlet de chambre, avons de nouvel donné et octroyé, donnons et octroyons ausdits doyen, chanoines et chappitres desdites églises collégiales de Saint-Martin et Saint-Lo lez-Angiers, que, quant ils iront processionnellement avecques le colleige de ladite grant eglise, qu’ils Note.
(ii) Trésor des chartes, registre 209, n.* 84-
