Louis XI,
«à Thouars,
Janvier 1481.
736 Ordonnances des Rois de France
la terre et seigneurie d’iceulx abbé et chapitre ; à ceste cause, nostredit prédécesseur conimandoit par icelles lectres au seneschai de Poictou que desditz troubles d’ores en avant il cessast et feist cesser tous autres, et des surprinses qui auroient esté faictes à l’encontre d’iceulx abbé et chapitre et leursditz droiz, en feist faire reparacion et amende envers iceulx abbé et chapitre, comme de ce apparoist par la teneur desdictes lectres de nostredit predecesseur, données en nostre ville de Paris le jeudy devant la my-karesme, ï’an de grâce mil deux cens quatre-vings et unze. Et, pour plus grant approbacion et confirmacion desditz droiz et choses dessus dictes, avoit esté fait inhibicion et defense de bouche par nostredit predecesseur Philippe-le-Bel, et aussi par les gens de nostredicte cour de parlement, en parlant à la personne de nostredit seneschai de Poictou qui lors estoit, que tant icelui nostre seneschai que autres noz officiers et sergens n’eussent à entreprendre et faire aucun acte ou exploict de justice et juridicion seculiere en toutes les terres et temporalité d’iceulx abbé et chapitre du Dorât, qui neuement estoient ressortissans et subgetz à icelui nostre predecesseur et autres ses successeurs Roys de France, et à nostredicte court de parlement ; en obéissant ausquelles defenses et injunctions nostredit seneschai, pour lors seneschai de Poictou et de Limosin, manda et commanda à un nommé Jehan Delatilly, nostre sergent esdites seneschauciés, qui par auctorité dudit seneschai avoit fait aucuns exploiz, prinses de biens et gaigemens (a) sur les subgetz d’iceulx abbé et chapitre et en leur terre, que, incontinent et sans delay, il rendist lesdits biens et gaiges, et que d’ores en avant lui ne autres officiers ou sergens esdites seneschauciés n’eussent à entreprendre de faire aucuns actes ou exploiz sur iceulx abbé et chapitre, leurs subgetz et en toute leur terre et temporalité, tomme ce apert par les lectres et mandement dudit seneschai, donnez en nostre ville de Paris, le lundy vigille de l’Apparicion de Nostre-Seigneur, l’an de grâce mil deux cens quatre-vings et douze. Et en oultre icelui nostredit predecesseur Philippes-le-Bel, pour plus grant approbacion et confirmacion desdits droiz et privilèges de ladicte eglise, avoit par sesdictes lectres mandé et commandé aux seneschaux de Poictou et de Xaintonge, qu’ilz et chacun d’eulx gardassent et feissent garder et observer, sans enfraindre, tous et chacuns les arrestz , provisions et jugemens de nostredicte court, donnez en icelle au prouffit desditz abbé et chapitre de ladicte eglise du Dorât, et lequel nostredit predecesseur declairoit par cesdictes lectres ladicte église, les suppostz d’icelle, leurs droiz et biens quelzconques, estre en sa tuicion, protection et sauvegarde especial ; declairoit en oultre, icelui nostre predecesseur, iceulx abbé et chapitre en toute leur terre et seigneurie avoir tout droit de justice et juridicion haulte, moienne et basse, comme de ces choses apert par les lectres de nostredit predecesseur, données en nostredicte ville de Paris, le lundy après Pasques fleuries, l’an de grâce mil deux cens quatrevings et douze. Et pour l’augmcntacion de ladicte fondacion et privilèges faiz et donnez par nosditz predecesseurs à ladicte eglise, en approbacion, confirmacion et accroissement d’iceulx, icelui nostredit predecesseur Philippes-le-Bel avoit donné et octroyé à ladicte eglise, entre autres plusieurs privilèges par lui donnez et octroyez aux églises du diocese de Limoges, dont ladicte eglise du Dorât estoit et est l’une des principalles, que toutes acquisicions, acquetz et conquetz faiz pour et au nom d’icelles églises, par Note.
(a) Nantissemens.
