DE I..A TROISIÈME RACE. 74 5
predecesseur, fondateur d’icelle, et nosditz autres predecesseurs aussi fondateurs et augmentateurs d’icellc, ont donné, transporté, légué, ordonné et délaissé a icelle eglise et colliege et membres d’icelle, certains fiefz , terres, cens, rentes, dommaines, possessions, jurisdictions, justices, seigneuries et autres biens ; et depuis, aucuns autres plusieurs princes, seigneurs teinporelz et autres gens de tous estatz , considerant le grant , beau et solemnel service divin et autres bienfaitz qui de jour en jour se sont continuez et faiz, font et continuent en ladicte eglise et colliege, pour la singulière devocion qu’ilz ont eue audit glorieux apostre , et en commemoracion et recordance desditz fondateurs noz predecesseurs, pour tousjours plus augmenter et accroistre ledit divin service à l’exaltacion de la loy catholique et pour le salut et remede de leurs ames , ont fondé en ladicte eglise plusieurs chapelles, messes et autres services divins, et pour la fondacion d’icelle y ont pareillement légué, transporté, donné, assigné et délaissé de leurs biens meubles, rentes et heritaiges, certains dommaines et possessions tenuz les aucuns noblement en fief, et les autres en censive et autrement, pour iceulx estre tenuz et possédez perpétuellement par lesditz abbé et chanoines, chapitre, vicaires, chapellains et autres clers et habituez Dieu servans en ladicte eglise , sans en faire autre devoir ou recongnoissance, fors seullement lesdictes messes et autres divins services à l’entcncion desditz fondateurs et bienfacteurs et de la fondacion de ladicte eglise ; et depuis, pour la plus ample dotacion et augmentacion d’icelle, furent, par lesditz fondateurs noz predecesseurs, et à leurs supplicacions et requestes, constituez, assignez, ordonnez et délaissez certains bénéfices, églises paroissiales et autres simples bénéfices , ès dioceses de Limoges, Poictiers, Bourges, Perigueux et autres, en certain petit nombre, et ce par les prelatz et evesques desditz dioceses, et depuis approuvé et confirmé par les Sainctz Peres Papes de Romme, sur les fruis desquelz bénéfices et églises ainsi délaissées, assignées et dediées à ladicte eglise de Dorât, ès aucunes desquelles lesditz abbé et chapitre ont droit de patronnaige et ès autres simples bénéfices, la totalle institucion et disposicion, la plus grant partie et revenue de ladicte eglise et colliege du Dorât, est instituée et fondée, lesquelles églises parrochialles et autres ont pareillement, par les fondateurs d’icelles, esté aucunement douées de cens, rentes, revenues et héritages, et depuis, en augmentacion tousjours du sainct service divin, par autres, tant gens d’eglise, nobles, bourgoys, marchands, laboureurs et autres de tous estatz, ont esté augmentées par dons, legatz , aumosnes, institucions et fondacions de chapelles, et pour ledit service divin y augmenter et entretenir à leur entcncion, y ont donné, délaissé, légué, cédé ct transporte de leurs biens meubles, cens, rentes, dommaines, héritages ct possessions, et avecques ce les abbé, chanoines, chapitre et autres personnaiges qui par cy-devant ont esté de ladicte eglise. Et pareillement lesditz supplians, considerans que ladicte fondacion estoit et est de petit revenu eu regard aux grans nombres de personnaiges instituez en ladicte eglise pour le service divin d’icelle, et aux grans et importables charges qu ilz avoient et ont continuellement à supporter, tant pour tenir ladicte eglise et collicge en bonne et convenable reparacion, poursuite ct conduite de leurs procès qu’ilz avoient et ont de jour en jour pour la defense des droiz de ladicte eglise, que autrement en plusieurs maniérés, pour plus honnestement entretenir et continuer ledit divin service, faire et supporter lesdictes charges à l’onneur et louange de nostre Sauveur et Rédempteur Jcsus-Christ, Tome XVIII. B b b b b
Louis XI,
à Thouars,
Janvier i48i.
