DE LA TROISIÈME RACE. 21
gracc. Pourquoy nous, ces choses considérées, et la notable (a) et ancienne fondation de no6tre ville et cité de Bourges, l’assiette d’icelle, et comme elle est grandement ornée (b) et decorée de plusieurs belles et notables esglises, tant métropolitaine , collégiales et abbayes, que autres monastères ; qu’en ladicte ville et pays d’environ , feuz nostre très-chier seigneur et pere et nostre très-chiere dame et mere (ej, dont Dieu ait les ames, se sont tenus ia plus grande partie de leur temps, et y ont esté très-grandement et loyaument servis par les habitans d’icelle , mesmement au temps que les Angloys, anciens ennemis et adversaires de la couronne, et les Bourguignons, tenoient et occupoient presque tout le royaume, et qu’ils furent devant ladicte ville, et tellement que, grâce à Dieu, elle fut préservée et gardée desdicts Angloys et Bourguignons, qui fut cause du recouvrement et sauvement dudict royaume, et depuis tousiours y ont eu et trouvé nosdicts feuz pere et mere de grands plaisirs et curialitez (d), et ceux de ladicte ville fort enclins à leur complaire, et faire choses à eux plaisantes et profitables ; considerans aussi que c’est le lieu de nostre naissance et nativité ; desiderant, à ceste cause, accroistre et augmenter les honneurs et prérogatives de nostredicte ville et cité, à l’exemple des autres, et donner courage et vouloir aux habitans en icelle de bien en mieux eux gouverner ; avons, pour ces causes et autres à ce nous mouvans, de nostre certaine science, grâce especiale , pleine puissance et authorité royal, à nostredicte ville et cité de Bourges, pour les bourgeois, manans et habitans en icelle, donné et octroyé, donnons et octroyons par ces présentes, les droicts, previleiges, prérogatives, franchises, libertez et autres choses qui ensuivent. Et premièrement. Avons voulu et voulons, ordonné et ordonnons, que, à la fin de l’année de nostredicte création , le maire de nostre ville et six desdicts douze eschevins se mueront et changeront, et en seront esleus de nouveaux ; et au regard des six autres eschevins, ils demeureront jusques à l’année ensuivante, pour instruire et apprendre ausdicts maire et eschevins nouveaux le gouvernement de ladicte ville (e). Et se fera l’eslection d’iceux maire et eschevins à la maniéré qui en suit : c’est à sçavoir, que ledict maire nommera et baillera par escript les noms de quatre personnes après qu’il aura faict serment solempnel, en la presence desdicts eschevins, de nommer et bailler ceux qui luy sembleront estre les plus propices (f), utiles et convenables, pour estre maire ; et pareillement chacun desdicts eschevins, après qu’ils auront faict semblable serment en la presence du maire , nommera et baillera par escript le nom de quatre personnes pour estre eschevins ; et, ce faict, seront tenus iceux maire et eschevins d’apporter ou envoyer pardevers nous lesdicts noms, pour d’iceux en choisir et eslire ceux qui bon nous semblera, pour estre maire et eschevins, lesquels ainsi par nous esleus et choisis seront mis en possession par leurs predecesseurs maire et eschevins, après qu’ils auront eu sur ce responses et lectres missives de nous, et non autrement, et qu’ils leur auront fàict faire le serment solempnel aux sainctes esvangiles de Dieu, de bien et loyaument régir et gouverner en bonne police les affaires de nostredicte ville au mieux qu’ils pourront, à Notes.
(a) Noble. Trésor des chartes. ^Parles lettres précédentes, ils n’é- (b) Adornée. Trésor des chartes. toient tous nommés que pour un an. Voir ci- (c) Voir la note a de la p. du t. XV. dessus, pag. u. (d) Bons offices. (f) Propres. Trésor des chartes.
»
Louis XI,
à
Ermenonville,
Juin 14y4-
