Ce miracle que Dieu fist à la fille de la femme par l’Evangile[1], qui dit[2] que Dieu estoit, quant il fist le miracle, in parte Tyri et Syndonis[3] ; car lors estoit la cité de Sur que je vous ai appelée Tyri, et la cité de Sayette que je vous devant nommée Sidoine[4].
Tandis que le Roy fermoit Sayete, vindrent à li les messages à un grant seigneur de la parfonde Grece, lequel se fesoit appeler le grant Commenie et sire de Trafentesi[5]. Au Roy apporterent divers joiaus à present : entre les autres li apporterent ars de cor[6], dont les coches entroient à vis dedans les ars ; et quant en les sachoit hors[7], si trouvoit l’en que il estoient dehors moult bien tranchant et moult bien faiz[8]. Au Roy requistrent que il li envoiast une pucelle de son palais, et il la prenroit à femme. Et le Roy respondi que il n’en avoit nulles amenées d’outremer ; et leur loa que il alassent en Constantinoble à l’Empereour[9], qui estoit cousin le Roy, et li requeissent que il leur baillast une femme pour leur seigneur, tele qui feust du lignage le Roy et du sien. Et ce fist-il, pource que l’Empereur eust aliance à son grant riche
- ↑ Par l’Evangile : lisez : de ce miracle que Dieu fist à la fille de la femme veuve, parle l’Evangile.
- ↑ V. du miracle que Nostre Seigneur fist à la fille de la vefve femme, parle l’Evangile et dit.
- ↑ Syndonis : lisez : Sidonis.
- ↑ V. car lors estoit la cité de Sur que je vous ai nommée, appellée Thir ; et la cité de Séette, de quoy je vous ai parlé, appellée Sidoine.
- ↑ De Trafentesi : le grand Comnène, seigneur de Trébizonde. — V. le grant Commeninos, sire de Traffesontes.
- ↑ Ars de cor : des arcs de cuir.
- ↑ Sachoit hors : tiroit hors.
- ↑ V. divers joyaulx de presens, entre lesquels luy apporterent arcs de cor, dont les coches entroient à viz dedans les arcs. Quant on les laschoit hors, ou trouvoit que c’estoit cheumet dedens moult bien faictes et bien trenchans.
- ↑ L’Empereour : l’empereur Baudouin II.
