l’aide de Dieu, par mon corps, de prouver contre ce vous, comme chevalier doit faire devant mons le roi de France. Tesmoing mon scel à cette cédule apposé et mis le 23 jour de novembre l’an mil trois cens soixante et trois. Guillaume de Feltonn. »
Si vous fas assavoir que o l’aide de Dieu je serai devant le roy de France, notre sire, dedens le mardy avant la miequaresme prochain venant, si il est ou reaume de France en son povoir ; et ou cas que il n’y seroit, je serai o l’aide de Dieu devant mons le duc de Normandie, celle journée ; et quant est de ce que vous dites ou avez dit je deusse estre hostage, jusques à tant que la ville de Nantes fust rendue au comte de Montfort, et que j’aye ma foy et mes hostages faussement faillis et tenus, en cas que respons vous en appartiendroit et le voudriez maintenir contre moi, la je diré et maintendré devant l’un d’elz en ma leal deffence que mauvesement avez menti, et y seray se diex plest tout prest pour y garder et deffendre mon honneur et estât encontre vous, si respons vous en siet, et pour ce que je ne weil longuement estre en cest débat o vous, je le vous fas assavoir ceste fois pour toutes, par ces lettres scellées de mon scel, le 9 jour de décembre, l’an mil trois cent soixante et trois.
