cordée entre nous, les choses qui s’ensuivent : c’est à sçavoir que nous Bertran Du Guerclin, voulons estre aliez et nous alions à tousjours à vous, messire Ollivier, seigneur de Cliçon, contre tous ceulx qui pevent vivre et mourir, excepté le roi de France, ses frères, le vicomte de Rohan, et noz autres seigneurs de qui nous tenons terre ; et vous promettons aidier et conforter de tout notre povoir, toutes fois que metiez en aurez et vous nous en requerrez. Item, que ou cas que nul autre seigneur, de quelque estat ou condition qu’il soit, à qui vous seriez tenu de foi et hommage, excepté le roi de France, vous vouldroit déshériter par puissance, et vous faire guerre en corps, en honnour ou en biens, nous vous promettons aidier, deffendre et secourir de tout notre pooir, si vous nous on requerez. Item, voulons et consentons que de tous et quelconques profitz et droictz qui nous pourront venir et écheoir dore en avant, tant de prisonniers pris de guerre par nous ou nos gens, dont le prouffit nous pourroit appartenir, comme de pais raençonné, vous aiez la moitié entièrement. Item, ou cas que nous sçaurions aucune chose qui vous peust porter aucun dommage on blasme, nous le vous ferons sçavoir et vous en accointerons le plustost que nous pourrons. Item, garderons vostre corps à nostre pooir, comme nostre frere ; et nous Ollivier, seigneur de Cliçon, voulons estre aliez et nous alions à tousjours à vous, messire Bertran Du Guerclin, dessus nommé, contre tous ceulx qui peuvent vivre et mourir, exceptez le roi de France, ses freres, le vicomte de Rohan et noz autres seigneurs de qui nous tenons terre ; et vous promettons aidier et conforter de tout notre pooir, toutes
