Cette page n’a pas encore été corrigée
AU ROY.
IRE, ce quatriesme livre contiendra les oyseaux de riviere qui n’ont le pied plat, & ne nagent sur l’eau, ausquels nature, qui scavoit qu’il leur convenoit vivre le long des rivages, fit qu’ils auroyent les jambes, les cuïsses, le bec, & le col longs. Et pource qu’ils avoyent à hanter les frondrieres & marais, leur estendit les doigts en longueur, ou bien pour avoir meilleure prinse sur terre, ou de peur qu’ils n’affondrassent leans. La Grue est le plus grand entre touts : parquoy commencerons par elle, & consecutivement par les Herons & tels autres, dont a esté des-ja faicte mention au premier livre : puis finirons par le Porphyrio oyseau estranger.
