Le grand desir qu’avons de longue main
De te connoistre.
Comme nous deux tu as esté un homme,
Comme nous deux tu nasquis autrefois
De nation et de genre François ;
Et comme nous, en marque d’une beste,
Tu euz jadis deux cornes sur la teste,
Et as esté aussi bien, comme nous,
Mocqué, sifflé, monstré au doigt de tous ;
Et comme nous, plein de melancholie,
Tu as quitté les tiens et ta Patrie :
Par ce moyen, par un accord fatal
Symbolisant tout oultre à nostre mal,
Et comme nous sans différence aucune
Ayant couru une mesme fortune,
Son ignorant de ces divers assaulx,
Tu voudras mieux secourir à noz maux,
Et permettras en meilleure asseurance
Que dans ton bois nous facions demeurance.
Je vous reçoy.
De grandz mercis nous te remercions,
Te promettans dorenavant de vivre
Dessoubz les Loys qu’il te plaira ensuivre.