AEG PC 1449 page 12 Int. que cest quelle a donné au diable en recognoissance de lhomage quelle luy fit. A dit quelle tous le ans elle luy promit une pollaille quelle luy a paiee par 2 fois, une fois devant leur maison a Gentoz ung peu avant la nuict et laultre fois ung peu loing de leur dicte maison. 214 Quelle declaire que cest que le diable lay a donné de son cos- té. A dit quil luy a donné dargent par 2 fois, lequel la pre- miere fois se trouva en feullies et laultre fois il se trouva bon, mais pour ce quil lavoit trompee la premiere fois comme elle luy reprocha, il luy promit de luy en bailler du bon, ce quil fit et lemploia en viande, mais lhors il ne luy bailla que environ 3 florins. Comme le diable luy a dit quelle le nommat. A dit quelle avoit maintenant son nom en la bouche, mais quil est tant difficile quelle nen sen souvient. (f. 87) Quelle no me ceux ou celles quelle scait estre de sa secte et estre hereges. A dit quelle a veu la Jaquemon de mal- lagny a la sinagogue au dessoubz des bois dud. Mallagny, mais quil ny demeurarent gueres et que pour le present elle nen scait aultres de qui elle se sache adviser. Remise a continuer (…) (31.12.1568) (Elle confirme quelle a bien dit la verité, en particulier le lieu de la première apparition du diable.) Int. que cest que le diable luy dit quant il saparut a elle. Il luy demanda dou elle venoit et ou elle alloit, laquelle luy respondit quelle venoit de Geneve et alloit a Gentoz. Puys elle luy demanda quil estoit, alhors il luy respondit quil estoit le diable. Quoy oiant lad. Françoise luy dit quelle ne se voloit donner a luy. Mais il luy promit donner dargent, alnors survint certaines gens quelle pria de laccompagner, ce quil firent, vers la vigne de Monsr. de Salles, et elle alla Centoz, lequel diable estoit noir. Puys a confessé que une aultre fois le diable sa parut a elle aud. lieu, et luy dit : "Tu es icy, ne tes tu pas donnee a moy ? " Laquelle luy respondit que non. mais il luy dit que (f. 9R) que si avoit, et de peur quelle heust elle sen alla huicter
