PC 1449 page 13 a la maison du perrier, lequel luy aiant demandé quelle estoit, elle luy dit quelle estoit la belle mere de maistre Humbert Revilliod, et luy aiant ouvert elle pria ceux de la maison de laccompagner jusques a Gentoz, ce que fit 2 des perriers. Combien il y a quelle fit cela. A dit quil y a environ ung an. Puys a dit quil y a environ 2 ans, le diable sa parut a elle la premiere fois vers la Perriere, Quant ce fut quelle fit homage au diable. A dit que despuis que le diable leust trouvee la premiere fois et quil se fut retiré delle a cause de ces hommes qui survinrent comme cy devant a confessé qui laccompagnarent jusques vers la vigne de de Sales, survint a elle une aultre fois le diable aud. lieu de la Perriere, elle allant a Gentoz, et luy dit que si elle se vouloit donner a luy, il luy donneroit de largent ét feroit tant quelle nauroit jamais faulte de rien, et se nomma a elle quil estoit le diable, laquelle lhors se donna a luy. Quoy fait il luy fit renoncer Dieu et sa part de paradis et le print pour son maistre, lequel diable luy promit de luy donner dargent. Fuys a dit quelle vouldroit bien que sonmary vint a elle et quelle vouldroit bien parler a luy. Int. comme se nomma a elle sond. maistre et comme il dit quil vouloit quelle le nommat. A dit quil se nommoit Moret. Que cest que sond. maistre luy dit ou fit quant elle luy heust fait homage. A dit quil luy bailla sur les paule f gauche (sic) de la main, et elle de son costé luy baisa au cul, lequel en ce faisant elle trouva bien froid. Lequel diable quant il la toucha sur les paule, il luy fit bien mal. Int. quelle promit de donner au diable. A dit quelle luy pro- mit donner tous les ans une pollaillie, et luy en a baillé en 2 annees 2, lannee passee une et lannee precedente une aultre. Int. ou cest quelle les luy a paiees, en quel temps et a quel- le heure. A dit quel les a receues delle a Gentoz et les luy bailloit entre jour et nuict, lune des fois la luy a baillee a la Sainct Jehan et laultre des fois vers chalandes. (f..9V) Dit aussy avoir receu de sond. maistre apres tel homa-
