AEG PC 1449 page 16 Quelle die les propos quelle tenoit en soymesme en livrant 216 lesa. poires a la femme dua. Job. A dit quelle disoit en soy mesme : « Tiens, de par le diable ! » et sans user de ces motz ces graisse ou pouldre neust riens vallu. Si elle na poinct donné de fruictages a maistre Jobius. A dit que ouy, des pommes quil luy donna une fois dans ung panier, mays pour ce quil ne les luy bailla, mais les laissa en la maison, quant il luy ranvoia son panier il y mit ung solz de- dans en paiement dicelles. (f. 10V) Int. si elle a poinct applicque de lad. poulare cu graisse ou fait aultre mal aux maisons ou elle a frequenté en ceste ville. A dit que non et demande sy aulcun sen plainct. Sy elle a poinct estee ches Saxod a Sainct Gervaiz. A dit que ouy et y estoit quasy tousiours faché, et estoit bien aymee de la femme dud. Saxod. Si elle ny entra pas une fois entre les aultres quil ny avoit personne que les enfans. A dit que ouy. Sy elle ne se fit pas donner a gostér. A dit que pour ce quel- le y estoit si commune, elle y entra, mais quelle ne leur fit poinct de mal. Combien de boictes elle a receu du diable. A dit seullement ces 2 quelle a confessé, mais quelle jetta celle de la grais- se au Rosne. Si elle a esté par plusieurs fois a la sinagogue et combien. A dit quil y a 3 ou 4 ans quelle y fut au Pré lEvesque. Si ce fut bientot après quelle heut fait homage au diable. A dit que ce fut environ 2 ans. Quelz y estoient avecq elle et quelle y a veu. A dit que lhors il y avoit 4 femmes et certains hommes, mais nen cogneust que Guignard. Si aulcung diceux se nom a poinct a elle. A dit que non, si- non une **** qui dit quelle se nommoit Jehanne. Int. dou ilz estoient. A dit que a son advis, ilz estoient des villages la aupres ou de Collogny ou de Vendouvres. Sy elle y cognuest Guignard. A dit quil y en avoit ung que le sembloit.
