PC 1449 page 17 il y en avoit poinct de ceste ville. A dit quil luy semble quelle y vit du Noyer et sa femme, laquelle comme luy semble se nom oit Loise. Aussy y vit la Claudeta. Quelz propos elle tint lhors a la du Noyere, daultant quelle la cognoissoit. A dit quelle ne sen souvient. Si elle y vit poinct Taxe du Burgel navatier. A dit quelle ne le cognoissoit poinct. En quelle maniere ilz y alloient. A dit que cestoit a pied. Puis a dit quelle y alloit avecq ung baton blanc que le diable luy avoit baillé, et disoit au baton : "Baton blanc, va, de par le diable ! " lequel elle portoit en sa main et alloient bien viste, mais ne tochoient gueres terre. Si ce quelle a cy devant confessé nest pas vray. R. que’ouy. Si elle a poinct esté a la sinagogue en ceste ville. R. que ouy, il y a environ 9 a 10 ans. (f. 11R) Quelz y estoient avecq elle de ceste ville. A dit quil luy semble que la du Noyere y estoit et quelle ne se sou- vient, mais quelle se vouldroit bien souvenir de ceux qui y estoient, et quelle pense en elle pour sen so venir. Aussy a confessé avoir esté a la sinagogue une aultre fois au bois dessus Versoex, et vit la Jaquemon, une de valavrand qui est mariee et elle. Comme elle savoit quilz se deussent trouver a la sinagogue. A dit que son maistre len advertisssoit. Int. que son mary luy disoit, voiant quelle nestoit la nuict aupres de luy a cause quelle demeuroit toute la nuict a la sinagogue. A dit quil ne luy disoit rien, daultant quelle luy faisoit a croyfe quelle avoit demeuré aupres du feu. Remise a continuer. (1.1.1568) (…) Int. quelle declaire plus amplement la verité. Int. si ce quelle a confesté est fray. A dit quen tout ce quelle a dit et confessé, que ce nest que mensonge, comme mal advisee quel- le a esté et quelle crie mercy a Dieu et a Messrs.
