18 novemb.
Ceſteci eſt pour auoir l’honneur de vous faire nos tres humbles excuses ſur notre ſilence deſpuis noſtre retour icj : mais les ouurages ont eſté ſj preſſés, que c’eſt le premier moment de liberté, dont i’rai la puiſſance de proufiter, pour nous feliciter du bon-heur de vous auoir-vue, et nous condouloir de n’auoir-pu paracheuer ce qui nous auoit-paru ſj digne de noſtre empreſſement. L’honneur de voſtre alliance, Madame, nous eſtoit un bien pretieus, et vous eſtiez à notre regard, comme Nachor au regard d’Abraham, lequel lui enuoija demander ſa Fille pour ſon Fils, attendû leur liaison de conſanguinité : Mais, chère Madame, les mariages ſont eſcripts là haut ; et ſj le Souuerain Arbitre des deſtinées n’a-pas-decidé que ils ſé doibuent faire, tous nos efforts ſont ſuperflus. C’eſt ainſj que Sichem ne put eſpouſer Dinah, ni Amon Thamar, ni Adonias Abiſag la Sunamite : Soubmettons nous aux ordres de Dieu, Madame, perſuadés que ſj il les a decidées, les choses ne ſe pourront manquer de faire en leur temps.
Je ſuis et ſeray toute ma vie, dans ce debuoir de resìgnation, Madame,