Page:Rabelais marty-laveaux 03.djvu/244

La bibliothèque libre.
Le texte de cette page a été corrigé et est conforme au fac-similé.

Des ecclipses de ceste année.

Chapitre II.


Ceste année seront tant d’ecclipses du Soleil, & de la Lune, que i’ay peur (& non à tort) que noz bourses en patiront inanition, & noz sens perturbation. Saturne sera retrograde. Venus directe. Mercure inconstant. Et vn tas d’autres planetes n’iront pas à vostre commendement. Dont pour ceste année les chancres iront de costé, & les cordiers à reculons, les escabelles monteront sur les bancs[1], les broches sur les landiers, & les bonnetz sur les chapeaulx : les couilles pendront à plusieurs par faulte de gibbessieres : les pusses seront noires pour la plus grande part : le lard fuyra les pois en quaresme : le ventre ira deuant, le cul se assoira le premier, lon ne pourra trouuer la febue au gasteau des Roys, lon ne rencontrera point d’as au flux, le dez ne dira point à soubhait quoy qu’on le flate, & ne viendra souuant la chance qu’on demande, les belles parleront en diuers lieux. Quaresmeprenant gaignera son proces,

  1. « Scabella super scamna ascendere conabuntur. » (Henrichman, c. 2, Regis, t. iii, p. 931)