teurs de rentes, Tireurs de riuetz, Tanneurs de cuirs, Tuilliers, Fondeurs de cloches, Composeurs d’empruns, Rataconneurs de bobelins, Gens melancholicques, n’auront en ceste année tout ce qu’ilz vouldroient bien, ilz s’estudiront à l’inuention saincte croix[1], ne getteront leur lart aux chiens : & se grateront souuent là, où il ne leur demange point. A Iupiter, comme Cagotz, Caffars, Botineurs, Porteurs de rogatons, Abbreuiateurs, Scripteurs, Copistes, Bulistes, Dataires, Chiquaneurs, Caputons, Moines, Hermites, Hypocrites, Chatemites, Sandorons, Patepelues, Torticollis, Barboilleurs de papiers, Prelinguans, Esperrucquetz, Clercz de greffe, Dominotiers, Maminociers, Patenostriers, Chaffoureus de parchemin, Notaires, Raminagrobis, Portecolles, Promoteurs[2], se porteront selon leur argent. Et tant mourra de gens d’esglise[3], qu’on ne pourra trouuer à qui conferer les benefices, en sorte que plusieurs en tiendront deux, troys, quatre, & dauantage. Caffarderie fera grande iacture de son antique bruit, puis que le monde est deuenu mauuais garson, & n’est plus gueres fat, ainsi comme dict Auenzagel. A Mars, comme Bourreaux, Meurdriers, Aduenturiers, Brigans, Sergens, Records de tesmoings, Gens de guet, Mortepayes, Arracheurs de dens, Coupeurs de couilles, Barberotz, Bouchiers, Faulx monnoieurs, Medicins de trinquenicque, Tacuins[4], & Marranes, Renieurs de Dieu, Allumetiers, Boute feux, Ramonneurs de cheminées, Franctaupins, Charbonniers, Alchimiltes, Coquassiers, Grillotiers, Chercuitiers, Bimbelociers, Manilliers, Lanterniers, Maignins, seront ceste année de beaulx coups : mais aucuns d’iceux seront fort subiectz à recepuoir quelque coup de baston à l’emblée. Vn des susdictz
Page:Rabelais marty-laveaux 03.djvu/250
Le texte de cette page a été corrigé et est conforme au fac-similé.
242
pantagrveline prognostication.
