E tous les ouvrages que j’ay donnez
au public, il n’y en a point
qui m’ait attiré plus d’applaudiſſemens
ny plus de cenſeurs que
celuy-cy. Quelque ſoin que j’aye
pris pour travailler cette Tragedie, il ſemble
qu’autant que je me ſuis efforcé de la rendre
bonne, autant de certaines gens ſe ſont efforcez
de la décrier. Il n’y a point de cabale qu’ils
n’ayent faite, point de critique dont ils ne ſe
ſoient aviſez. Il y en a qui ont pris meſme le
party de Neron contre moy. Ils ont dit que je
le faiſois trop cruel. Pour moy je croyois que
le nom ſeul de Neron faiſoit entendre quelque
choſe de plus que cruel. Mais peut-eſtre qu’ils
raffinent ſur ſon Hiſtoire, & veulent dire qu’il
eſtoit honneſte homme dans ſes premieres années.
Il ne faut qu’avoir lû Tacite, pour ſçavoir que
s’il a eſté quelque temps un bon Empereur,
il a toûjours eſté un tres-méchant
homme. Il ne s’agit point dans ma Tragedie
des affaires du dehors. Neron eſt icy dans ſon