Cette page a été validée par deux contributeurs.
Q’en l’air ne souet quelque influence,
Cause de quelque epidimie.
Chascun.
Ha ! Jhesus !
Le Prince.
Qui esse qui crie ?
Regardés ; j’ay ouy auchun.
L’Astrologue.
Faites luy voye ; c’est Chascun,
Qui se plaint de sa maladie.
Chascun.
Ung peu de repos, je vous prie !
Car, par mon Dieu, je suis lassé
D’avoir eu tant, le temps passé,
De pertes et de mengeries.
Le Prince.
Qu’as tu, Chascun ?
Chascun.
Je vous affie.
Pas ne me plains de teste saine.
L’Astrologue.
Je congnois par l’astrologie
Que minor bursa ne est pas plaine.
Chascun.
C’est ce qui m’a donné la paine
Que j’ay : j’ay la teste tuee.
Pour poier le chapeau d’ung moyne
