Cette page a été validée par deux contributeurs.
Primus.
Qui Justice n’empecheroit,
Tel contrefait du gentilastre
Qui seurement au coing de l’atre
Par povreté se coucheroit.
Secundus.
Par ainsi Virgo regneroit.
Primus.
Par ainsi Dieu omnipotent
Tant de ces biens nous donneroit
Que Chascun en serouet content.
Le Prince.
Qui bien attent ne sourhatent[3].
Enfans, poaint ne vous coroussés ;
Je sçay aulchun signe patent
Que les grans dangiers sont passés.
Affin que trop ne vous lassés,
Vous ayrés la chanson nouvelle.
L’Astrologue.
Je veulx regarder une estoille
Ce temps pendant qu’on chantera ;
Car je crois bien que dessus elle
Ma pronosticque ce faira.
Le Prince.
Faites ainsi qu’il vous plaira.
Chantons, chantons joyeusement
Cependant qu’il regardera
L’orbiculaire mouvement.
Cantabunt.