Cette page a été validée par deux contributeurs.
Je n’y voy encore aparence
Qu’il y ait riens en pascience ;
Il semble que le deable y court.
L’Astrologue.
Par Dieu, je suis en difference
Que n’ayons de la pestilance
Ce Sol ne reluyst en sa court.
Le Prince.
Il faut qu’il luise, bref et court,
Et que Justice soit sus terre.
L’Astrologue.
Par m’ame, s’elle ne se sourt,
Les ellemens seront en guerre
Et viendra feu, pluie, tonnerre
Sur toutes regions tonner,
Tant que les plus grans mis en serre
Ne seront quelle part tourner.
Primus.
Face Justice gouverner
Chascun et garder ses estas.
Secundus.
On ne verroit point tant regner
De simonie et d’apostas.
Primus.
Voisent gendarmes au debas.
Secundus.
Voisent les prestres au monstier
Sans estre de guerre advocas.
Chascun doit faire son mestier.
Primus.
Voyse le bon docteur preschier,
