Page:Recueil général des sotties, éd. Picot, tome I.djvu/264

La bibliothèque libre.
Cette page a été validée par deux contributeurs.

Ainsy qu’il treuve en ces gerandes,
Et non pas chascun jour plaider [1]
Pour avoir cinc ou .vi. prebendes.[2]

Secundus.

Voisent les prelas au kalendes [3]
Revisiter leur eveschés, 385
Non pas exiger les admendes
Pour punir les petis pechiés.

Primus.

Moynes doibvent estre couchés
En dortoys, non pas en chasteaux,
Et en leurs clouetres cachés, 390
En guardant leurs veux moniaulx.[4]

Secundus.

Voysent marchans, comme lyaux, [5]
De marchandyse prendre cure
Et non pas, comme desloyaulx,
La prester ou vendre a usure.395

L’Astrologue.

Vela de quoy vient ceste ordure,
Qui guate chascun element,
Et puis la puante luxure
Qui regne generalement.

Chascun.

On le presche publiquement ; 400
On monstre au doy, disant : « C’est telle »; [6]
Mais il semble, par mon serment,
Qu’onques n’en ouyrent novelle.[7]

Primus.

Pourtant est l’edit sollennelle

  1. chũ por
  2. .i. mor ou .vi.
  3. Voise
  4. en guardes
  5. Voyse
  6. on mon au doy cest telle
  7. ne ouyrent nouelles