en diſsipant les orgueilleux en la penſee de leur
cœur. Il a mis bas les puiſſans de leurs ſieges, & a
eſleué les petits, il a rẽply de biens ceux qui auoyent
faim, & a enuoyé les riches vuides. Il a releué
Iſrael ſon ſeruiteur, en ayant ſouuenance de ſa miſericorde.
Tu cognoiſtras cecy plus clerement,
l’amy, quand ie te reciteray ce qui s’eſt paſſé dedans,
& deuant la Rochelle & Sancerre pendant
que l’ennemy les tenoit aſsiegez, & que tu entendras
la deliurance miraculeuſe que le Seigneur a
fait de ces deux villes & de nos freres qui eſtoyẽt
dans Sancerre. Mais ie te prie pourſuy, & te deſpeche
de peur que quelcun ſuruenant, n’interrõpe
nos ſaincts deuis.
L’hi. I'en ſuis cõtẽt : i'auray fait en deux mots.
Ainfi dõc, quãd ie vey ceſte petite armee qui auoit eſté
dreſſee, cõme tu as peu cõprendre, auec tãt de
difficultez, que le Tyrã meſme auoit eſſayé de rõpre
auparauãt, ayãt enuoyé à ceſt effet par diuers
iours ẽ Angleterre la Mauuiſsiere, Chaſteauneuf
de Bretagne, & Sainct Iean frere du cõte de Montgomery,
pour le deſtourner, mais en vain : voyant
(dis-ie) ceſte partie la rõpue de tout poĩt, ſans eſperãce
d’aucune reſſource, & quoy que ie m’eſſayaſſe
de la faire renouer, & de perſuader à la Royne,
d’enuoyer des forces au double, luy remõſtrant
qu’autãt valoit, cõme diſoit l’autre, bien batu, que
mal batu : & que touſiours l’Anglois auoit meilleur
marché du Traiſtre, l’allant cercher ſur ſes
terres auec l’aide des offenſez, que de l’attendre
ſur les ſienes apres la desfaite des bons. Qu’il eſtoit
à craindre que l’Anglois, qui n’auoit bõne-
