tre eux deux eſt mutuelle & reciproque. Le ſemblable
eſt d’entre vn Roy & ſes fuiets, qui luy sõt
comme vaſſaux.
Chacun ſcait combien la puiſſance des Seigneurs,
ou maiſtres enuers leurs ſerfs & eſclaues
eſt grande : toutefois ſi le Seigneur ne prouuoit
& ſubuient au ſerf en ſa maladie, le ſerf ſans autre
manumiſsion eſt declaré libre par la loy : laquelle
n’a eſté ordõnee qu’à celle fin que ceux qui ont
quelque authorité & puiſſance n’en vienent point
a abuſer.
La condition des ſuiets ne doit pas eſtre pire
que celle des ſerfs. Que ſi le ſerf eſt fait libre,
quand ſon Seigneur abuſe de ſon pouuoir, pourquoy
ne ſera-il le ſemblable des ſuiets ?
Les Suiſſes, deſquels nous parlions n’agueres
ſe ſont ſouſtraits, comme les hiſtoires en font foy
de la ſuietion & obeiſſance de la maiſon d’Auſtriche,
à laquelle ils s’eſtoyent obligez ſous certaines
conditions :pource que la maifon d’Auſtriche
ne les daignoit accomplir de ſa part. Ainſi
ſont ils auiourd’huy libres, ayans ſecoué, non
pas abbatu l’Empire de celle maiſon : laquelle
cependant cognoiſſant ſa grand faute à approuué
leur ſubſtraction & reuendication de leur liberté.
Quant à nos poures freres de la Rochelle, s’eſtans
autresfois diſtraits de la ſuietion des Anglois,
ils ſe ſousmirent au Roy de France ſous certaines
conditions, que Froiſſard recite en ſon
hiſtoire.
Page:Reveille-matin des François, 1574.djvu/297
Le texte de cette page a été corrigé et est conforme au fac-similé.
91
D I A L O G V EI I.
