ſoulagement de l’Egliſe Françoiſe qu’à la ruine &
ſubuerſion de la liberté des Polonois, ſi Dieu n’a
bien grand pitié d’eux : ayant, dis-ie, receu ces nouuelles,
ſon ambition luy cõmandant de ſe haſter à
porter la couronne : il ouyt lors plus volontiers
parler de paix qu’auparauant. Et ayant fait ſortir
les deputez de la Rochelle pour parlementer,
Il receut lors de leurs mains le 25 de Iuin leurs articles
& leurs demandes qu’il enuoya incontinẽt
par deuers Charles le tyran.
Toſt apres l’armee de l’ẽnemy qui ne cerchoit
que le repos toute haraſſee d’auoir eſté ſi ſouuẽt
battue & moquee, commença à ſe desbander çà
& là. Et auſsi les noſtres à auoir de relaſche plus
qu’ils n’euſſent oſé penſer.
Ie ne te dis pas le nombre de ceux qui ont eſté
tuez du coſté de l’ennemy : il paſſe plus de huict
mille. Ie ne te nõme pas auſsi les principaux d’entre
eux qui y’ont eſté tuez ou bleſſez pource que le
diſcours qui ẽ eſt imprimé en nõme la plus part.
Seulement ie te diray en paſſant, qu’vn ſeul boleuard
appellé de l’Euangile, contre lequel l’ennemy
s’aheurta le cuydant emporter de volee, à
fait perdre à vne infinité des ennemis leur meſchante
paillarde vie ſans qu’ils ayent rien exploité.
C’eſt de là d’où fut tiré vn coup de couleurine
qui tua le duc d’Aumale derriere vn gabion.
c’eſt de là où l’eſpee vierge du Perõ ſe retirãt des
trẽchees le iour qu’õ batit ce bouleuard de 40 canons
fut bleſſé au dos qu’il luy auoit tourné : c’eſt
ce bouleuard que les Princes accompagnez de la
Nobleſſe allerẽt aſſaillir le ſeptieme d’Aouſt où
