plaindre & lamenter.
Mais reuenant à parler du noſtre : Par ceſt edict
meſmes il ordonne qu’il ne ſera loiſible ne
permis à ſes procureurs generaux, ny autres perſonnes
publiques ou priuees en quelque temps,
ny pour quelque occaſion que ce ſoit faire mention,
proces ou pourſuite des choſes auenues depuis
le mois d’Aouſt en ça en aucune cour ou iuriſdiction.
L’hi. Cecy eſt encores pire que les mots precedẽts
n’eſtoyent. Car en deffendant à ſes procureurs generaux
de n’en faire aucune pourſuite : c’eſt tout
autant que s’il diſoit : la coniuration que ie mis à
ſus à l’Amiral & aux autres Huguenots pour auoir
quelque couleur en mes cruautez, quoy quelle
ſoit fauſſement excogitee par moy & mes ſpeciaux
Conſeillers, & qu’elle n’ait apparence quelconque
de verité ny meſme aucune veriſimilitude,
eſt toutefois tellement vraye, que ie veux qu’õ
le penſe ainſi. Et partant mes procureurs vous en
pourroyent vn iour tirer en cauſe deuant mes parlemẽs
& autres iuges & officiers. Mais ie ne veux
pas qu’ils le facent, pourueu que vous auſsi ne
vous plaigniez nullement de ce qui vous a eſté
fait ny en faciez aucune pourſuite en aucune cour
ou iuriſdiction. Le tyran ſera toujours en liberté
de nous en ietter le chat aux iambes quand il
voudra & quand il nous tiẽdra en puiſſance. Mais
quant à nous il ne veut pas que durant ſa meſchãte vie, ny
apres ſa vilaine mort, ſi Dieu nous en
donne quelqu’autre qui nous vueille faire raiſon,
que nous en facions la pourſuitte deuant la iuriſ-
Page:Reveille-matin des François, 1574.djvu/347
Le texte de cette page a été corrigé et est conforme au fac-similé.
141
D I A L O G V EI I.
