que ceux cy.
l’hi. Ie ne croy pas qu’vn homme rond parle iamais
de leur clemence, ny de leur bonté & douceur,
ſachant combien ces miſerables ſont cruels,
felons, inhumains. Quant au titre de Treſchreſt ien
on le deuſt , pour ne point flatter, changer en
Archiantichreſt ien, pour appliquer des noms és
choſes qui fuſſ ent ſignificatifs.
Le pol. On le deut faire vrayement. Mais ie gage
qu’outre ce que leurs flatteurs, & quelques autres
qui s’en approchent ayans affaires à eux prophanent
ordinairement ces beaux & ſacrez mots, les
attribuants à ces perfides : qu’il y aura encores
quelques vns des Treſ illuſt res princes d’Allemagne,
qui au voyage que le frere du tyran y fera
s’en allant en Pologne, n’auront pas honte de l’en
appeller & de luy faire auſsi bel accueil, que l’on
feroit à vn honneſt e homme.
Si quelcun pour legere faute ſe trouuant mis
au bã de l’Empire, eſt recueilly par quelque Prince,
ſoudain l’Empire luy courra ſus. Mais à ceux-cy
qui ſont attaints, ſont conuaincus & condamnez
deuant Dieu & deuant les hommes, d’eſt re
des ſchelmes execrables & ennemis du genre humain,
ſous couleur qu’ils ſont des gros ſchelmes,
vn chacun les honorera, iuſques à ſe confederer
& ſe liguer auec eux. Quelle miſere !
L’hi. Ne ſcay tu pas que le prouerbe en a donné
ſon iugement. La cenſure tourmente les pigeõs,
laiſſ ant aller les corbeaux libres. Mais n’entrons
pas ie te prie plus auant en ceſt e matière : tel luy
baiſera la main qui la luy voudroit voir bruſlee :