que nos anciens Peres auoye parmy eux, du temps
que les Eſtats eſtoyent en regne, dõt M.
Hottoman nous a fait vn fort gentil & riche recueil en ſon œuure Gaule françoiſe, i’oſeroy (dis-ie)
aſſeurer que cela reueilleroit les coqs, leur feroit
hauſſer les creſtes, battre les aiſles, & courir
ſus de bec & d’ongles, contre ceux la qui les tienent
captifs : & ſeroit ſuffiſant moyen pour faire
qu’vn chacũ pẽſaſt à recouurer ſa liberté, à crier
apres les Eſtats à les redreſſer, & remettre. On
verroit bien toſt l’aage d’or, que les Tyrãs ont effacé
de France, pour y planter celuy de fer, d’oppreſſion,
& d’infameté, reluire comme au parauant, la paix, l’amitié & concorde ſurgir & croiſtre
à veue d’œil, & faire à iamais ſa demeure parmy
nos naturels François : he que ceſt vne grand
pitié ! qu’vne ſi belle nation, ſi grande & ſi opulente,
ſoit par ſi long temps mal menee, à l’appetit
de ſix ou ſept : deſquels le meilleur ne vaut pas
qu’on prenne peine de le pendre. Mais ie ſcaurois
fort volontiers, s’il te plaiſoit de me le dire,
comment c’eſt, que tous nos François ſe ſont ainſi
laiſſé deſchoir, & comme ceſte opiniaſtre volonté
de ſeruir s’eſt ſi auant enracinee dans leurs
mouelles, qu’il ſemble maintenant, que la memoire
de la liberté ne ſoit pas ſi naturelle.
Le pol. Si ie n’eſtois accablé de ſõmeil, ie te
diſcourrois bien au long, d’où procede la maladie
& la matiere peccãte d’icelle. Mais ie t’aſſeure
l’amy, que i’ay les yeux pieçà cillez, & les leures
comme couſues. Nous aurons demain bon
Page:Reveille-matin des François, 1574.djvu/397
Le texte de cette page a été corrigé et est conforme au fac-similé.
191
D I A L O G V EI I.
