narder en delices, & ſe veautrer dans les ſales &
vilains plaiſirs : vous vous affoibliſſ ez afin de le rẽdre
plus fort, & roide à vous tenir plus courte la
bride.
De tant, d'indignitez, que les beſt es meſmes
ne les ſouffriroyent point, vous pouvez vous en
deliurer ſi vous eſſ ayez, non pas de vous en deliurer :
mais ſeulement de le vouloir faire. Soyez reſolus
de ne ſeruir plus, & vous voy la libres, ie
ne veux pas que vous le pouſſ iez, ou esbranliez :
mais ſeulement ne le ſouſt enez plus, & vous le
verrez comme vn grand Coloſſ e, à qui on a deſrobé
la baſe, de ſon poix, de ſoy meſme fondre
en bas & ſe rompre.
L'hiſt . Il n'y a rien de plus veritable entre les
choſes humaines, que ce que tu viẽs d'enſeigner:
que pleut à Dieu, que ces beaux mots euſſ ent pieçà
eſt é ſemez au beau milieu d'vne grande aſſ emblee
de nos Catholiques François, ie m'aſſ eure,
qu’ils y auroyent eſt é fort bien recueillis, & qu’il
n'y auroit celuy d'entre eux, qui n’en fiſt bien
ſon profit : nul auquel ils ne creaſſ ent par maniere
de dire, vn nouvel eſprit dans le ventre. Et quoy
que le peuple François ſemble auoir perdu longtẽps
y a toute cognoiſſ ance, & que par là, on puiſſe
iuger, que ſa maladie ſoit cõme mortelle, puis
qu'il ne ſent rien plus ſon mal : ſi eſt ce, que i’oſerois
promettre, que ce diſcours vn peu dilaté,
& accompagné de raiſons, & d’exemples & de
quelque belle forme d’adminiſt ration de l’eſt at,
de la iuſt ice, & de la police, approchante à celle