nars y acquiert, li roy nostre sive y aura la moitié parmi paiant auxi la moitié de l’argent, et cil d’aux qui ainsuit y acquierra en portera tout adès quittement les yssues et proffiz de l’aquest qu’il aura fait jusques à ce que li autres li aura baillé l’argent que il en devra bailler, selonc ce que il est devant dit et jusques à ce que il li aura recompensei aucum amendement se fait li avoit.
Darrechief li font, (sic)[1] de la dicte compaignie doivent estre chauffei et affoei[2] des bois de la dicte compaignie et soustenu et maintenu de merrenaige et auxi li molin de la dicte compaignie doient estre soustenu et maintenu de marrenaige des dis bois de la dicte compaignie, et se es reparations ou escroissances des dis fours et molins et es autres edifices fais ou à faire en la dicte compaignie convient faire mises, li roys nostre sire y metra la moitié de la mise qui pour ce se fera et li dis messire Renars l’autre moitié. Et comme on puisse faire sel de l’eae salée trouvée en la dicte ville de Bourbonne, et on regarde que proffiz soit de illec faire saluerie, li roys nostre sire y metra la moitié de la mise qui pour ce se fera et li diz messire Renars l’autre moitié, et chascun d’aux prenra la moitié ou profit et en l’issue qui en istra.
Darechief comme li dis messire Renars reteinne par devers soi sa justice en son dit chastel, en la place d’autour jusques à la dicte haule, es fossez qui sont entour le dit chastel, en sa dicte grange qui siet davant ycelui chastel, tuit li profis qui de ces leux istront ou vanront, seront et demourront au dit monseigneur Renart, et se cas de haute justice y avenoit d’aucum, il seroit jugiez par le dit monseigneur Renart et justiciez à la justice commune ; et quicunques soit roys de France, il tanra la dicte compagnie si comme li roys nostre sire l’a acquise partable au dit monseigneur Renars et à ses hoirs qui en ceste chose auront cause de lui et non autres.
Derrechief, li roys nostre sire aura son recept[3] ou dit chastel pour lui et sa gent toutefoiz et quantefoiz mestiers sera ; et toutes les choses et chascune d’icelles dessus dictes, li diz messire Renars a promis davant moy et le dit tabellion par sa dicte foy et par obligation devant dicte, à tenir, acomplir et garder fermement et perpetuelment en la maniere que dictes sont, sans riens corrumpre, et quant à ce tenir, garder et acomplir, il en a solmis lui, ses diz biens, ses hoirs et les biens de ses hoirs en la juridiction du roy nostre sire à estre constrainz par la justice d’icelui seigneur comme de chose cogneue et adjugiée en la court du roy nostre sire, renuncenz par sa dicte foy à toutes autres cours, à touz conduz, à touz privileges, à toutes grâces de pape, de roy ou d’autre prince, à toutes fraudes et decevances, à toutes exceptions de fait et de droit, de coustume, de canon et de lae justice et à toutes au-
