Le texte de cette page a été corrigé et est conforme au fac-similé.
23
DES ODES.
Puiſſe-il par tout l'Vniuers
Deuant ſes ennemis croiſtre,
Et pour ma guide apparoiſtre
Touſiours au front de mes vers.
A LA ROYNE SA
femme.
ode iii. Stro. i.
E ſuis troublé de fureur,
Le corps me fremiſt d'horreur,
D'vn effroy mon ame eſt pleine:
Mon eſtomac eſt pantois,
Et par ſon canal ma vois
Ne ſe deſgorge qu'à peine.
Vne Deité m'emmeine:
Fuyez peuple, qu'on me laiſſe,
Voicy venir la Déeſſe:
Fuyez peuple, ie la voy.
Heureux ceux qu'elle regarde,
Et plus heureux qui la garde
Dans l'eſtomac comme moy!
Antiſtro.
Elle eſpriſe de mes chans,
Loin me guide par les champs
Où iadis ſur le riuage
Apollon Florence aima,
Lors que ieune elle s'arma
Pour combatre vn Loup ſauvage.
