Le texte de cette page a été corrigé et est conforme au fac-similé.
30
I. LIVRE
Chanton donques Marguerite,
Et celebron ſon merite,
Qui luit comme vne planete
Sous la nuict claire-brunette :
Verſon vn long ſouuenir,
Vne chanſon touſiours neuue
En mon Nectar, dont i’abreuue
Son los pour le raieunir.
Epode.
Afin que la Nymphe voye
Que mon luth premierement
Aux François monſtra la voye
De ſonner ſi proprement :
Et comme imprimant ma trace
Au champ Attiq’ & Romain,
Callimaq’, Pindare, Horace
Ie déterray de ma main.
A CHARLES CARDINAL
de Lorraine.
ode v. Stro. i.
Vand tu n’aurois autre grace
Ny autre preſent des cieux,
Sinon ſortir de la race
De tant de Rois tes ayeux,
I’aurois encor trop de lieux
Pour te baſtir vne gloire.
