Le texte de cette page a été corrigé et est conforme au fac-similé.
32
I. LIVRE
Qui tiens le ſommet d’honneur,
En qui noſtre Roy contemple
Des vertus le vray exemple,
Sois content d’vn ſi grand bien,
Et ne ſouhaite plus rien.
Car toy qui ta vie arroſes
Du miel des heureuſes choſes,
D’auantage à qui ie donne
Ceſte Hynne que ie moiſſonne
Des Charites au milieu,
Ceſſe de plus rien attendre,
Et ne vueilles point apprendre
A te faire vn nouueau Dieu.
LA VICTOIRE DE FRAN-
çois de Bourbon, Comte d’An-
guien, à Cerizoles.
ode vi. Stro. i.
’Hynne qu’apres tes combas
Marot fiſt de ta victoire,
Prince heureus, n’egala pas
Les merites de ta gloire :
Ie confeſſe bien qu’à l’heure
Sa plume eſtoit la meilleure
Pour esbaucher ſimplement
Les premiers traits ſeulement.
