Extrait du Privilege
Il est permis de par le Roy à la veuve Maurice de la porte libraire en l'université de Paris de faire Imprimer, & exposer en vente un livre intitulé Les Amours de Pierre de Ronsard Vandomois, nouvellement augmentés par lui, & Commentés par Marc Antoine de Muret. Et sont faictes inhibitions et défences à tous Imprimeurs, Libraires, et autres de n'imprimer ou faire imprimer, vendre ou distribuer au Roiaume, pais, terres & seigneuries dudit seigneur ledit livre des amours de Pierre de Ronsard, s'il n'est de ceus que ladicte veuve aura fait Imprimer. Et ce pour le terme de six ans consecutiz a commencer du jour que ledit livre sera parachevé d'imprimer, sur peine de confiscation des livres imprimés & d'amende arbitraire, Aisni qu'il est plus aplain contenu au privilege, donné à Paris le dixhuitiesme jour de May mil cinq cens cinquante trois.
Par le Conseil
Signé Decourlay
