necessaires a vivre. Jamais n’estoient malades: jamais n’envieillissoient. Mais Juppiter mit a Pandore (ainsi se nommoit cette femme, pour la cause que je dirai apres) un vase en main, dans lequel étoient encloses les maladies, la vieillesse, les soucis, & telles autres malheurtés: puis l’envoia vers un frere a Promethée, qui se nommoit Epimethée, homme de peu de sens: lequel (combien que son frere l’avoit bien averti de ne recevoir aucun present, qui vint de juppiter) toutesfois se laissa par elle abuser & la receut. Estant receue, elle ouvrit son vase, & remplit tout le monde des drogues, que j’ai ci dessus nommées. Hesiode le raconte au livre nommé, Les euvres & les jours. La raison de son nom et telle. Pan en Grec signifie, tout: & doron est a dire un don, ou present. Elle fut donc nommée Pandore, par ce que chacun des dieus lui fit un present. Hesiode,
ὀνόμηνε δὲ τήνδε γυναῖκα
Πανδώρην, ὅτι πάντες ὀλύμπια δώματ' ἔχοντες
Δῶρον ἐδώρησαν, πῆμ' ἀνδράσιν ἀλφηστῇσιν.
Lors Apollin.) Ainsi disoient les vieus Francois, non pas, Comme nous disons aujourdhui, Apollon, Or son oracle,) la puissance de predire les choses futures. Il regarde a cette anciene Cassandre, qui, comme j’ai dit, fut prophète, Venus son ris) Venus est apellée par Horace, la riante,
Siue te mauis Erycina ridens.
Hesiode l’apelle φιλομείδης, c’est a dire aime-ris: combien qu’aucuns baillent une autre exposition a ce nom, laquelle est moins honeste que vraissemblable. Dione sa beauté.) Dione, selon Homere au cinquiême de l’Iliade, est mere a Venus. Hesiode en la Théogonie, la nombre entre les Nymphes de l’Océan. Pithon sa
Page:Ronsard - Les Amours, 1553.djvu/62
Cette page n’a pas encore été corrigée
![](http://upload.wikimedia.org/wikipedia/commons/thumb/f/f8/Ronsard_-_Les_Amours%2C_1553.djvu/page62-1024px-Ronsard_-_Les_Amours%2C_1553.djvu.jpg)