Cette page n’a pas encore été corrigée
XXVII
Chef escole des arts, le séjour de science,
Où vit un intellect qui foy du Ciel nous faict,
Une heureuse mémoire un jugement parfaict,
D’où Pallas reprendroit sa seconde naissance :
Chef le logis d’honneur de vertu de prudence,
Ennemy capital du vice contrefait :
Chef petit Univers qui monstres par effet
Que tu as du grand Tout parfaicte cognoissance :
Et toy divin esprit qui du Ciel est venu,
Dedans un autre Ciel où tu es retenu
Simple rond et parfait, comme icy nous ne sommes
Où tout est embrouillé, sans ordre ny sans loy :
Puisque tu es divin, aye pitié de moy :
Il appartient aux Dieux d’avoir pitié des hommes.
