| 1297. | Anno Viceſimo qunito Edwardi I. | Stat 1. | 131 |
A Confirmation of the Great Charter, and the Charter of the Foreſt.
DWARD par le grace de Dieu roy dEngleterre
ſeignur dIrland e Ducs dAquitaine a
toutz ceus qui ceſtes preſentes lettres verront
ou orront ſaluz. Sachiez nous al honeur de Dieu
e de ſeinte egliſe e au profit de tut noſtre Roiaume
aver grante pur nous e pur nos heirs qe la Grand
Chartre des Franchiſes e la Chartre de la Foreſt les
queles furent faites par commun aſſent de tut le
Roiaume en tens le rey Henry noſtre pere ſeient
tenuz en toutz lour pointz ſanz nul blemiſement.
E voloms qe meiſmes celes chartres de ſuth noſtre
ſeal ſeient envoiez a nos Juſtices auſibien de la foreſt
come as autres e a toutz les viſcontes des contez
e a toutz nos autres miniſtres e a totes nos citees
parmi la terre enſemblement ove nos briefs en
les queux ſerra contenu qil facent les avantdites
chartres pupplier e qil facent dire au poeple qe
nous les avoms grauntees de tenir les en toutz leur
pointz E a nos Juſtices viſcontes maires e autres
miniſtres qi la ley de la terre de ſouth nous e par
nous ountaguier meiſmes les chartres en toutz leur
- ↑ This is taken from the Secunda pars veterum Statutorum, and is in all the Engliſh Editions: It is called Confirmatio Caratum
