A. D. 1300. | Anno vicesimo octavo Edwardi I. | Stat. 3. |
Mprimechief pur ceo qe une grant grevance est en cest Roiaume e damage sanz noumbre de ceo que le Roi e ses ministres de sa meignee ausibien les aliens come les denzeyns sonat leur prises la ou il passent. par mi le Roiaume e pernent les biens de gentz des clers e des lays sanz rien paer ou bien meins qe la value :
Ordene est qe de ci en avant nul ne preigne prises par mi le Roiaume fors qe les parnours le Roi e ses purveours pur lostel le Roi. E qe ceus parnours le Roi e purveours pur soen Hostel ne preignent riens fors qe pur meisme lostel. E des prises quil ferront par mi les pais de manger ou de boyure e autres menuz nécessaires pur lostel qil facent la paye ou gre a ceus des queus les choses serront prises.
E qe touz tieus parnours le Roi purveours ou achatours eient de ci en avant leur garant ovesqes eus du grant seal ou de petit seal le Roi contenant leur poer e les choses dount il srount prises ou purveance le quel garant il munstreront as ceus des quieus il srount la prise avant ceo qil enpreignent rien.
E qe ceus parnours purveours ou achatours le Roi ne preignent plus qe busoigne e mester ne soit pur le Roi e soen hostel e de ses enfantz.
E qe riens ne preignent pur ceus qe font a gages ne purnul autre.
E qil respoignent en lostel e en la garderobe pleinement des soies leur prises sans soie ailleours leur largesces ou liverees de chose qe pur le Roi soit prise.
E si nul parnour de lostel le Roi par garant q il est face prises ou liverees en autre manere qe desus n’est dit par pleinte fete al Seneschal e el Tresourer del hostel le Roi soit la vertie enquise. E si de ceo soit atteint soit g ? e meintenant fait au pleintif e soit hoste du servise le Roi pur touz jours e demoerge en prison a la volente le Roi.
E si nul face prises santz garant e lemport encountre la volunte de celui a qi les biens sont soit meintenant arestu par la villeou la prise fsrra fete e messe a la procheine gaole e si de ceo soit atteint soit la fait de lui come de larroun si la quantite des biens le demande.
E quant as prises fere en feires e en bones villes e portz pur la grant garderobe le Roi eient les parnours leur commun garant par le grant seal.
E des choses qil prendront eient la tesmoimnance du seal du gardein de la garderobe e des choses iffint par eus prises de noumbre de quantite e de la value soit faite dividende entre les parnours e les gardeins des feires Messe ou chiefs baillifs des villes e portz par la veue des marennistz des quieus les biens serront issant pris. E riens ne lui soit suffert de plus