| 24 | Stat. 4. | Anno quinquaqesimo primo Henrici III. | A.D. 1266 |
Urceo qe la comunalte du roialme ad eu graunt
damage per torcenouses prises, quount este
faites per viscountes, & per autres Bailliffs le
Roi, per acheson de la dette le Roi, ou per autre
acheson; purveu est que ceux as queux les avers sount
les puissent pestre de lour saunz destourber, quaunt
eux serrount emparkez, saunz rien doner pur la
garde : & que les avers, ne nulle autre destresse pris
pur la dette le Roi, ou per autre encheson, ne soient
venduz [ne donez,] deinz les xv. jours [de la prise.]
Et si nul porte taille come de paie faite a
Lescheqer, cesse la destresse & sil [si null] porte
taille de nul Viscounte ou de Baillif de paie faite a
lui de la chose demaunde, et voille trover plegges
destre al Escheqer al proschein acompt, afaire qe
droit serra, adonqes cesse la destrese, & qe le
Viscount, ou les baillifs, face attacher lui que les
deust aveir aquite, sil soit sur mesme lacompte,
afaire sur ceo qe droit serra; & eit illoeques les
nouns des plegges. Unqore edt purveu, qe null
homme de religion, nautre, doit dedtreinte per [ses]
bestes qe gaignent sa terre, ne per ses berbis, pur
la dette le Roi, ne pur la dette dautri, ne per autre
encheson, per le baillif le Roi, ne per autre homme,
taunt come lem trove autre destresce, & autres
chateux suffisauntz, dount ils poient lever la dette,
ou ceo qe suffice al demaunde, horspris emparkementz des bestes quaunt homme les trove fesauntz
damage, selonc leie & lusage de la terre: & qe les
destresces soient resonables a la mountaunce de la
dette, ou de la demaunde [damage,] selonc resoun,
& noun pas outrageous [la value per estimacion des vesins, & nemye per estranges.] Unqore voet le Roi,
& comaunde, que touz les Viscountes & les Baillifs,
qount resceu les dettes le Roi de la somons del Escheqer,
& qi naquitent de ceo les dettours sur lour
proscin acompte soient puniz selonc les estatutz
