A.D. 1266. | Anno quinquageſimo primo Henrici III. | Stat. 5. | 25 |
nadgairs faites. Et voet le Roi, qe touz les dettes de la somons de Lescheqer, qe les Viscountes, ou les Baillifs ount resceu, qils soient maintenaunt allowez; le quel qils eient resceu toute la dette, ou partie, issint qe mes ne viegne en somons, ceo qe le Viscount avera conu soi aver resceu, &c.
Who ſhall be Eſcheators in ſwveral Shires.
E roi voet, qe toutes maneres des Baillifs,
Viscountes, & autres Miniſtres le Roi, auxibien
le Justice de Cestre, & les Baillifs des
Isles, come autres de touz maneres de resceites des
issues, des gardes, des eschetes, de lour baillies,
soient respoignantz al escheqer, & illoeqcs rendent
acompte al Tresorer, & as Barouns. Et qe touz
les Viscountes, Fermers, Baillifs des fraunchises,
& autres, qi devent venir al profre del Escheqer,
lendemain de seint Michel, & lendemain de la cluse
de Pasqe, pur paier lour fermes, rentes, & issues,
qappendent au Roi, viegnent as avauntditz, & portent
illoeqes pleinement les avauntdites fermes,
rentes, & issues, & les paient al' Escheqer. Et si
nul faile de paier pleinement ceo qil doit paier, sicome
avaunt est dit, son corps demoerge saunz
departier jesques a taunt qil eit paie, ou gree fait
Et celui qi ne vendra as avantdites termes, soit
amercie selonc les usages del Escheqer. Et a mesmes
les termes les Viscountes & les Baillifs porterount
les deniers, & paierount al Escheqer, ceo qils
averount resceu a la somons del Escheqer, & des
autres dettes le Roi, & de touz les choses avantdites
soient prestes & apparaillez defaire vewe dacompt.
Et touz les Baillifs des fraunchises, qi deivent les dettes le Roi [lever] et respounderont as Viscountes a lour maundement, selonc les estretes de la somons del Escheqer, viegnent & respoignent suffisantement. Et ceux qi ne frount, demoergent les corps de eux en la garde des Viscountes; & les Viscountes, pur lour defautes, envoierent lever les dettes per lour baillifs demeigne, & per la ou ils purrount, sicome lem soleit faire en temps passe. Et si les Baillifs ne viegnent a respoundre a jour [de ceo an & jour] qe les Viscountes les ferront assavoir, les Viscontes entrent en les fraunchises, & facent lever les dettes per lour baillifs demeigne [en mesme la manere.]
En droit de Justice de Cestre, & des Baillifs des Isles, voet le Roi, qils viegnent per ascun de lour al profer de seint Michel chescun an, a rendre quaunt qils deivent au Roi a cel terme. Et a la [profre de la] cluse de Pasqe, viegnent en mesme la manere, & portent ce qils deivent au Roi adonqes. Et le Justice de Cestre eit jour dacompt dan