Page:Rutebeuf - Oeuvres complètes, recueillies par Jubinal, tome I, 1839.djvu/37

Le Mariage Rustebeuf,
ou
CI ENCOMMENCE LI MARIAGES RUTEBUEF.

Mss. 7218, 7633, 7615.

En l’an de l’incarnacion,
Viij. jors après^[1] la nascion
Jhésu qui soufri passion,
En l’an soissante^[2],
Qu’arbres n’a foille^[3], oisel ne chante,
Fis-je toute la rien dolante
Qui de cuer m’aime ;
Nis li musars musart me claime.
Or puis filer, qu’il me faut traime ;
Mult ai à faire.
Diex ne fist cuer tant de put’aire^[4],
Tant li aie fet de contraire
Ne de martire,
S’il en mon martire se mire,
Qu’il ne doie de bon cuer dire :
« Je te claim cuite. »
Envoier .i. homme en Égypte,
Ceste dolor est plus petite^[5]
Que n’est la moie ;

1. Ms. 7615. Var. Devant.
2. Il y a, écrit en note de la main du président Fauchet, à cet endroit du Ms. 7615 : « Il entend l’an 1260. » — Le Ms. 7633 dit : « Sexante. »
3. Ms. 7633. Var. Ne fuelle.
4. Ms. 7615. Var. Mal aire.
5. Ms. 7615. Var. La soue dolour est plus petite.