Qui bien scevent trouver leurs gistes,
Et sont de l’ordre Saint-Jehan.
Hé ! pape Jehan, en cest an
Desaieuvre[1] le grain de la paille ;
Les mauvaises herbes retaille
Si que foy puist fructefier.
L’en ne scet hui où soy fier ;
Tant est grande l’ypocrisie
Que l’en ne scet ou l’en se fie ;
Car chascuns pense de bouler
Por toutes ces gens saouler,
Et qui de leurs mains ne labeurent,
Mais par le païs vont et queurent,
En cherchant tous les quarrefours.
Por ce qu’il n’ont molins ne four,
Par le pays vont préêchant
Dont maint poisson sont péechans
A grant escharde et grosse teste,
Dont bien scevent oster l’areste,
Et la char à eulz retenir,
Si com l’on le voit avenir,
Sus sainte Église nostre mère :
Metté y bon conseil Saint-Père.
Encor se plaignent d’autre part
Les Béguines que l’en départ
D’eux : soient ces Béguines,
Li Barré, par droit leurs voisines[2],
Faites en auront tex meschiez.
Celes qui vendent cuevrechiez
N’en vendront tant comme soloient.
Or convient que mais vendus soient
Camelin por ces bones dames.
Puisqu’il seront comme autres fames,
Camaius seront à marchié ;
Mais or y a autres meschié,
Car burnete, escarlate et vers,
Forrure de gris et de vers,
Et de couleur la draperie
Nous en sera plus enchiérie :
Page:Rutebeuf - Oeuvres complètes, recueillies par Jubinal, tome I, 1839.djvu/483
Le texte de cette page a été corrigé et est conforme au fac-similé.
451
ET ÉCLAIRCISSEMENTS.
