Page:Rutebeuf - Oeuvres complètes, recueillies par Jubinal, tome I, 1839.djvu/93

61

COMPLAINTE OU CONTE DE NEVERS.

Je dout li païs ne remeigne
En grant doleur et en grant guerre.
Com li cuers el ventre vos serre,
Quant Diex a mis sitost en serre
Lou Conte à la doutée enseigne !
Où porroiz teil compagnon querre ?
En France ne en Aingleterre
Ne cuit pas c’om le vos enseigne.

Ha ! Rois de France ! Rois de France !
Acre est toute jor en balance :
Secoreiz-la, qu’il est mestiers !
Serveiz Dieu de vostre sustance :
Ne faites plus ci remenance,
Ne vos ne li cuens de Poitiers.
Diex vos i verra volontiers,
Car toz est herbuz li sentiers
C’on suet batre por pénitance.
Qu’à Dieu sera amis entiers,
Voit destorbeir ces charpentiers
Qui destorbent nostre créance.

Chevalier, que faites vos ci ?
Cuens de Blois, sire de Couci,
Cuens de Saint-Pol fiz au boen Hue^[1] ?
Bien aveiz avant les cors ci.
Coument querreiz à Dieu merci,
Se la mors en voz liz voz tue ?
Vos véeiz la terre absolue^[2]

1. Voyez pour tous ces noms la note I, à la fin du volume.
2. La terre absolue, la Terre-Sainte. En vieux français on désigne le jeudi saint sous le nom de jeudi absolu.