Le texte de cette page a été corrigé et est conforme au fac-similé.
La Vie sainte Marie l’Egiptianne,
ou ci encoumence
LA VIE DE SAINTE MARIE L’ÉGYPCIENNE.
Mss. 7218, 7633.
Ne puet venir trop tart à oevre
Bons ouvriers qui sanz lasser oevre,
Quar bons ouvriers, sachiez, regarde
Quant il vient tart, se il se tarde,
Et l’en[1] n’i a ne plus ne mains,
Ainz met en oevre les .ij. mains,
Et d’ouvrer est si coustumiers
Que il ataint toz les premiers.
D’une ouvrière vous vueil retrère
Qui en la fin de son afère
Ouvra si bien qu’il i parut,
Que la joie li apparut
De paradis à porte ouverte
Por s’ouvraingne et por sa déserte.
D’Égypte fu la crestiene.
Et avoit non Égypciene[2] ;
Son droit non si fu de Marie.
