Le texte de cette page a été corrigé et est conforme au fac-similé.
C’est de Nostre-Dame,
ou
UNE CHANSON DE NOSTRE-DAME.
Mss. 7633, 7615.
Chanson m’estuet chanteir de la meilleur
Qui onques fust ne qui jamais sera ;
Li siens douz chanz garit toute doleur :
Bien iert gariz cui ele garira.
Mainte arme a garie,
Huimais ne dot mie
Que n’aie boen jour,
Car sa grant dosour
N’est n’uns qui vous die.
Mout a en li cortoizie et valour,
Bien et bontei et charitei i a ;
Con folz li cri merci de ma folour :
Foloié ai, s’onques n’uns foloia.
Si pleur ma folie
Et ma fole vie,
Et mon fol senz plour,
Et ma fole errour
Où trop m’entr’oblie.
Quant son doulz non reclaimment pichéour
Et il dient son Ave-Maria,
