Le texte de cette page a été corrigé et est conforme au fac-similé.
275
ET ÉCLAIRCISSEMENTS.
A grant joie s’en repaira.
Maus consaus luès tant le mena[1]
Et tant le pestilla[2] envie,
Théophilum sa seingnorie
Toli, et fist nouvel vidame.
Anemis, qui deçoit mainte âme
Et qui de doel font et remet
Quant voit nului[3] qui s’entremet
De Dieu servir et de bien faire,
Moult grant joie ot de cest afaire.
Li decevanz, qui set maint tor,
Jor et nuit tant tornoie entor[4],
Et tant l’assaut et tant le tente,
Et tant durement le tormente,
Et tant l’esprent d’ardour et d’ire
Ne set que faire ne que dire.
Por un petit Dieu ne renoie[5],
Por un petit qu’il ne se noie,
Por un petit qu’il ne s’estrangle.
« Ha ! las ! fait-il, or sui en l’angle[6] !
Or sui-ge maz, or sui-ge pris.
Hauz clers estoie de grant pris :
- ↑ Ms. 2710. Var. Malvais consaus luès le maina.
- ↑ Ms. 2710. Var. Taria.
- ↑ Ms. 7987. Var. Celui.
- ↑ Ms. 7987. Var. Et jor et nuit va tant entor.
- ↑ Ce vers ainsi que le suivant ne sont pas dans le Ms. de l’Arsenal.
- ↑ C’est-à-dire : dans l’angle de l’échiquier, par allusion au jeu des échecs. On le voit par ces vers du prologue de Gautier de Coinsi (Ms. de Saint-Germain, déjà cité, fol. 118, ro, col. ii, v. 19), qui dit en parlant de la Vierge :
Qui bien la sert d’entier courage
En toz jeus a tel avantage
Que li déables, qui tout guile,
Guiler ne l’ puet par nule guile.
Tant set de bole li bollierres
Et tant par est forz triboulierres,
Se nos n’avons qui nos jeu face,
Jà ne verrons Dieu en la face.
Tant set de torz, tant set de trez,
Tost nos aura en l’angle trez,
Où serons pris et mat, ce cuit,
Se nos ne somes moult recuit, etc.
En voici un autre exemple :
Et por ce vous devez pener
Que en bien puissiez definer
